World

रोजगारीका लागि दैनिक १५ सय नेपाली बिदेशतिर

Nepalese migrant workers arrive at Kathmandu airport
काठमाडौं । रोजगारीका लागि प्रत्येक दिन १ हजार ५ सय नेपाली विदेशिने गरेको सरकारको आर्थिक सर्वेक्षणले देखाएको छ ।

अर्थ मन्त्रालयले बिहीबार सार्वजनिक गरेको आर्थिक सर्वेक्षणमा आन्तरिक रोजगारीको अवसर नपाएर विदेशिनेहरुमा ७४ प्रतिशत अदक्ष छन् । कामको खोजीमा बिदेश जानेहरुमा एक प्रतिशत मात्र दक्ष जनशक्ति छन् भने २५ पतिशत अर्धदक्ष रहेका छन् ।

बाषिर्क ४ लाखभन्दा बढी नेपाली श्रम बजारमा प्रवेश गर्ने गरेका छन् तर, रोजगार बृद्धि दर भने २.९ प्रतिशत छ ।

बैदेशिक रोजगारीका लागि हालसम्म १०९ मुलुक खुला गरिएको छ । ११ लाख ९२ हजार ९ सय २४ जना श्रम स्वीकृति लिएर भारतबाहेकका देशमा रोजगारीमा गएका छन् । जसमा ६१ हजार ८७ महिला छन् ।

११ मुलुकमा श्रम सहचारी राख्ने व्यवस्था भएपनि साउदी अरव, दक्षिण कोरिया, यूएइ, कतार कुवेतमा मात्र छन् । सरकारकेा तथ्यांक अनुसार यो आर्थिक वर्षको फागुन मसान्तसम्ममा ५ लाख ८५ हजार ६ सय ६२ जनालाई वैदेशिक रोजगारीका लागि पूर्व स्वीकृति दिइएको छ । विदेश गएर फर्किएका १ लाख ९ हजार ४ सय २७ फेरि सोही देशमा फर्किएका छन् ।

सबैभन्दा बढी कतारमा २ लाख २६ हजार ७०७, मलेसियामा १ लाख ६८ हजार ७१, साउदीमा ७३ हजार २९७ र यूएयमा ९५ हनार ५८७ जनाले रोजगारीका लागि पूर्व स्वीकृति लिएका छन् । कुबेत, बहराइन, ओमान, अफगानिस्तान, जापान र अन्य मुलुकको संख्या भने न्यून छ ।

July 11, 2014

About Author

raju Socialist, Entrepreneur, Businessman. A single word is hard to describe him. He is a motivator and initiator of Merourlabari.com. We dont need a bio for him.


Leave a Reply

Your email address will not be published. Required fields are marked *

हाम्रो टिम
संस्थापक: राजु लामा
प्रबन्धक निर्देशक: पूर्ण वाइबा
सम्पादक: सरोज बस्नेत
सल्लाहकार: विकास सुब्बा
संरक्षकः उर्लाबारी परिवार हङकङ
प्राविधिक सहयोग : NEPSOL
ABOUT MERO URLABARI

समृद्ध उर्लाबारी निर्माण हाम्रो अभियान

Email : letters@merourlabari.com
Address : Urlabari-2, Morang, Koshi, Nepal