Entertainment

मंसिर १ गतेदेखि चलचित्र रेस हल

तीन दर्जन बढी चलचित्र निर्देशन गरिसकेका निर्देशक किशोर सुब्बाको पछिल्लो चलचित्र रेस प्रदर्शनको तयारीमा रहेको छ ।
एक्सन, कमेडी जनारा समेटिएको मसलेदार चलचित्र रेस आगामी मंसिर १ गतेबाट देशभरका पर्दामा रिलिज गरिने भएको हो । लगत्तै मलेसिया, सिंगापुर, हङ्कङ, अष्ट्रेलिया, युकेमा पनि चलचित्र प्रदर्शन हुने जनाइएको छ ।
विहीबार उर्लाबारीमा पत्रकार भेटघाट गरी निर्देशक सुब्बाले रेस चलचित्रका विविध पक्षबारे जानकारी गराएका छन् ।
संयुक्त अरव इमिरेट्सको दुवईमा छायाङ्कन गरिएको चलचित्रमा पूर्वका इलाम, झापा, मोरङ, सुनसरीका अलवा काठमाडौंका मनोरम दृश्यलाई समेत क्यामेरामा कैद गरिएको छ । निर्देशक सुब्बाका अनुसार जीवनका सपना सार्थक पार्न मान्छेले गर्ने संघर्षलाई मूख्य विषयबस्तु बनाई चलचित्रको नाम रेस नामाकरण गरिएको हो ।
चलचित्रमा निता ढुंगाना, पुष्पा लिम्बू, जियान रेग्मी, एजेस सैजु श्रेष्ठ, सुलेमान शंकर इकू, किरण केसी राता मकै, रविन्द्र खड्का, सुवास गजुरेललगायतको अभिनय रहेको छ । माता पाथीभरा फिल्मस् प्रालिको व्यानरमा निर्माण गरिएको चलचित्र निर्माण गर्न ७० लाख रूपैंया खर्च भएको जनाइएको छ ।
चलचित्रलाई हस्त लिवाङ, विशाल थेवे, हेमन्त गौतम, चन्द्र लिम्बू, सञ्जिव लिङ्देन, राज लिम्बूले निर्माण गरेको हुन् भने सह निर्मातामा पासाङ ह्याल्मो र रविकुमार गुरूङ रहेका छन् । यस्तै, संगीत आनन्द राई, गायनतर्फ उदीतनारायण झा, अन्जु पन्त, सुजाता उपाध्याय, दीपराज नियोङहाङ्, द्वन्द्व शंकर महर्जन्, छायाङ्कन कुमार बोगटी, नृत्य निर्देशन गोविन्द राईको रहेको छ ।

September 29, 2017

About Author

Saroj Basnet Journalist from Urlabari, Nepal. He writes on every aspect of Journalism. A multi-talent person. Now editor at MeroUrlabari. He loves football n music.


Leave a Reply

Your email address will not be published. Required fields are marked *

हाम्रो टिम
संस्थापक: राजु लामा
प्रबन्धक निर्देशक: पूर्ण वाइबा
सम्पादक: सरोज बस्नेत
सल्लाहकार: विकास सुब्बा
संरक्षकः उर्लाबारी परिवार हङकङ
प्राविधिक सहयोग : NEPSOL
ABOUT MERO URLABARI

समृद्ध उर्लाबारी निर्माण हाम्रो अभियान

Email : letters@merourlabari.com
Address : Urlabari-2, Morang, Koshi, Nepal